Opiníaun

XG kontinua Funu NL toó Ukun Rasik Áan

(Opiniaun) – Opiniaun ida neé la reprejenta Instituisaun nebeé haknár áan, maibe nuúdar Opiniaun pessoal hodi hatoó espresaun tuir Observasaun nebeé iha.

Povo Timor Leste rekoñese Fundador Nasaun nebeé Proklama Independénsia iha 28 de Novembro 1975, hanesan Dr. Marí Alkatiri, Dr. Jose Ramos Horta, Dr. Rogerio Tiago Lobato, no Líder sira seluk hamutuk ho Saudozu Presidente Nicolau Lobato, Avo Xavi no seluk taán nebeé la temi ida pur ida. Kuandu Presidente Nicolau Lobato Lídera funu, no orienta membru Governu dahuluk iha tinan 1975, no fo responsabilidade ba ida-idak hodi apoiu ba Timor Leste nia Ukun Rasik Áan.

Durante Invazaun Illegal Forca Indonezia iha territoriu Timor Leste hahuú iha loron 7 fulan Dezebro 1975, no halo operasaun hodi halo hasoru Força Timor nian (Falintil) nebeé rejulta ema barak mate iha altura nebaá.

Wainhira Força Indonezia oho Presidente Nicolau Lobato, liu tinan balun deit, Kay Rala Xanana Gusmão komanda Funu ho Estratéjia foun atu kontinua mehi Sauzodu Nicolau Lobato nian katak, Ultima Balla É aminha Vitória.

Wainhira XG kotinua funu, reprejentante Timor oan sira iha rai liur nebeé halaó servisu Diplomatiku nian, no rai laran garantia no respeitu nafatin desijaun El Comandante Falintil Kay Rala Xanana Gusmão toó funu hakotu iha tinan 1999.

Istória barak deskreve ona, maibe permiti Hau atu salienta deit tuir pensamentu nebeé natoón katak, Povo RDTL rekoñese Timor oan hotu nia kontribuisaun ba Ukun Rasik Áan, maibe iha fiar no respeitu liu, iha prosesu Funu mak Kay Rala Xanana Gusmão.

Naran ida Xanana Gusmão, naran nebeé Força Indonezia buka liu husi Operasaun, no Povo mos senti ibun toós atu temi narqn Xanana Gusmão tamba tauk hetan investigasaun husi Força Indonezia. Aliende neé, General sira (Forca Indonezia) orienta membru sira no kompromete, wainhira kaptura Xanana Gusmão, sei hetan promosaun deviza nuúdar Orgulhu ida, wainhira kaptura Xanana Gusmão nebeé ho tinan nebeé natoón lídera funu.

Realidade hatudu duni, iha tinan 1992, wainhira Força Indonezia kaptura Xanana Gusmão iha Lahane-Dili, pelotaun ida hetan promosaun husi Instituisaun TNI Indonezia. No wainhira kaptura XG, investigasaun ba Nia (XG) hamosu perguntas nebeé barak, maibe ho fuan nebeé boót, XG hatan tuir fuan Povo RDTL, ikus mai XG tenke sai dadur iha Prijaun Cipinang Indonezia.

Maski XG nuúdar kontinuador ba Funu, maibe sai sasukat ida atu determina Timor Leste nia distiñu, no ikus mai Timor Timur nebeé parte provinsia Indonezia nakfilak sai Nasaun RDTL, nebeé hetan apoiu husi Frente tolu. Ida neé mak realidade, no sai hanesan istória nebeé sei konta husi ibun ba ibun, toó jerasaun ba jerasaun.

Ami Povo RDTL nunka mais nega kontribuisaun Fundador no Kontinuador sira seluk ba Funu Libertasaun Nasional. Tamba neé Fundador RDTL no Kontinuador Funu nebeé sei moris, hatudu dala ida taán imi nia força no kbiít, matenek no kapasidade tomak Harií Timor foun ida ba Timor oan tomak, atu nuneé Povo RDTL bele sukat mos kapasidade iha Era Ukun Áan ida neé.

Kuandu imi hamutuk, fahe Oportunidade hanesan iha kareira Polítika Governasaun, hau fiar katak imi nia hamutuk Nasaun seluk labele influensia desijaun Polítika nebeé imi foti. Se enkuantu imi la simu malu, tinan ba tinan, Povo no Nasaun nia dezenvolvimentu sei lao iha fatin deit.

Tambe neé, atu se deit husi Fundador nasaun RDTL nebeé moris hela, dala ida taán simu orientasaun ka desijaun XG nian, atu hatudu saida mak sei akontese, ida neé mak importante, atu bele alkansa mehi ba Povo nia moris diak.

Parabéns ba Líder Nasaun, Fundador no Kontinuador RDTL nebeé sei moris:
. Kay Rala Xanana Gusmão
. Dr. Mari Alkatiri
. Dr. Jose Ramos Horta
. Dr. Jose Luis Guterrés
. Dr. Francisco Guterres Lu-Olo
. Taur Matan Ruak
. General Lere Anan Timur
no seluk taán nebeé la temi ida pur ida.

Um Abraço!!!
Autor: Amito Qonusere Araújo, hela fatin Aldeia Tchai Suco Lore I Postu Lospalos.

Show More

Related Articles

Leave a Reply

Your email address will not be published.

Back to top button