Magazine RádiuNotisiasTetum

Tribunal Distrital Baucau Aplika Pena Multa Ba Arguidu Agapito Da Costa Belo

Baucau – Tribunal Distrital Baucau, aplika pena multa ba Arguidu Agapito Da Costa Belo, tamba komete krime perturbasaun aktu eleitoral  iha centru votasaun eskola pre-sekundaria número um tirilolo Baucau.

Defensor publiku, Jose De Lima rekoñese, arguidu perturba prosesu eleisaun tanba ho kondisaun lanu.

Arguido hakat liu liña polísia ne’ebé dada, iha sentru votasaun ho intensaun atu halo reklamasaun tamba la komprende ho sistema kontagen.

Defensor públiku ne’e hateten, tribunal aplika pena multa ho osan rihun ida atus rua dolares amerikanu no wainhira  la kumpre sei tama kadeia durante loron ualu nolu iha  prizaun, tuir kodigu penal artigu atus rua, tolu nulu resin lima, número um.

Tuir defeza, artigu ne’ebe ministeriu publiku aplika ba arguidu, la kondis tamba iha kodigu penal tenke fo’o pena tinan ida ka multa maibe tribunal fo’o kedas multa osan dolar americano rihun ida atus rua.

Tamba ne’e, defensor publiku ne’e deklara sei komunika ho arguido atu halo rekursu.

Iha julgamentu sumariu ne’e, prezide husi juiz singular Florencia Freitas, ministeriu publiku  reprezenta husi João Maeques no arguidu hetan defeza hosi defensor publiku Jose Maria De Lima.

(Mp/Siso)

Show More

Related Articles

Leave a Reply

Your email address will not be published.

Back to top button