Magazine RádiuNotisiasTetum

STAE Preparadu Ona Hodi Realiza Eleisaun Prezidensial Iha Australia

Dili – STAE preparadu ona hodi realiza eleisaun prezidensial iha Australia.

Antes ne’e governu Australianu la autoriza Timor Leste nia prosesu elelisaun iha Australia tanba situasaun COVID.

Maibe, vice ministru administrasaun estatal, Lino De Jesus Torrezão konfirma, STAE preparadu atu realiza eleisaun iha Australia, Portugal, Korea Sul no Irlandia.

Diretor STAE Acelino Manuel Branco komfirma, segunda semana oin ekipa STAE desloka ona ba Australia no nasaun sira seluk hodi prepara eleisaun prezidensial.

Vice prezidente CNE, Domingos Barreto argumenta, CNE mantein ninia pozisaun atu la realiza eleisaun prezidensial iha Australia, tanba STAE la atualiza baze de dadus eleitor foun husi nasaun Australia.

Tuir kalendariu ne’ebe iha, eleisaun prezidensial sei realiza iha loron sanulu resin sia fulan marsu tinan ne’e.

Total timoroan iha Australia hamutuk rihun ida, atus haat ualu nulu resin.

(Manuel/Emmy)

Show More

Related Articles

Back to top button
error: !