Magazine RádiuNotisiasTetum

STAE Mantém Ho Modelu Buletim De Votus Ne’ebé Aprova Ona

Dili – Sekretariadu tekniku administrasaun eleitoral – STAE mantém ho buletim de votus ne’ebé aprova ona husi órgaun eleitoral no reprezentante kandidatu Prezidente Repúblika.

Direktur geral sekretariadu tekniku administrasaun eleitoral Acilino Manuel Branco hateten, relasiona ho tribunal supremu justisa indefere ona, rekerimentu husi ekipa susesu kandidatu Prezidente Repúblika husi FRETILIN, Francisco Guterres Lú-Olo, ne’ebé kontesta símbolu husi kandidatu José Ramos Horta, Constâncio Pinto no Rogério Lobato.

Ekipa susesu uza fotografia Xanana Gusmão no kandidatu rasik hanesan símbolu iha buletim de votus, Constâncio Pinto uza ninia fotografia ho proklamador saudozu Xavier Do Amaral no Rogério Lobato uza manu aman iha buletim de votos.

Direktur geral sekretariadu tekniku administrasaun eleitoral Acilino Manuel Branco hateten, desijaun ne’e foti relasiona ho akórdaun husi tribunal no notifika mos STAE.

Sekretariadu tekniku administrasaun  eleitoral kontinua hein durante semana ida, atu parte interessante sira kontesta ba órgaun judisiáriu no hein desijaun husi komissaun nasional eleisaun.

Tuir Acilino, karik CNE altera deliberasaun anterior, STAE prontu ajusta deit, desijaun foun ne’ebé fó sai.

(Aniz/Qika/Emy)

Show More

Related Articles

Leave a Reply

Your email address will not be published.

Back to top button