Dili – Fámilia afetadu inundasaun, uma kain lima nulu resin, evakua ona husi Beduku-Manleuana ba sentru akolhamentu temporariu dom bosco komoro.
Sekretariu estadu protesaun sivil, Joaquim Gusmão Konfirma, protesaun sivil mos fó ona asistensia ba fámilia afetadu inundasaun uma kain 12, iha munisípiu Manatuto no afetadu sira ne’ebe hela temporariu ho fámilia.
Governante ne’e afirma, governu sei la fo apoiu material konstrusaun ba vítima inundasaun, bainhira kontinua konstroi uma iha fatin risku ba dezastre.
Protesaun sivil kontinua rekolla dadus ba fámilia vítima inundasaun iha hera no Bekora hodi hetan apoiu emerjénsia.
Rekorda katak, udan boot ne’ebe akontese iha segunda-feira loraik, provoka inundasaun iha Comoro, Beduku, Hera no Becora.
(Juvenal/Siso)
