Magazine RádiuNotisiasTetum

Semáforo Ne’ebé A’at Iha Kapital Dili Difikulta Servisu Polisia Tranzitu Nian

Dili – Semáforo ne’ebé a’at iha kapital Dili difikulta servisu polisia tranzitu nian.

Xefe sesksaun tránzitu munisípiu Díli, inspektor domingos sarmento gama hateten, semaforo balun iha kapital Dili, hahu la funsiona ho di’ak.

Tamba ne’e, nia husu ba diresaun nasional transporte terrestre – DNTT atu hadia lalais sinais tránzitu hirak ne’e hodi evita asidente tranzitu.

Seksaun tranzitu munisipiu Dili, inspektor Domingos Sarmento Gama relata, asidente tranzitu ne’ebe akontese iha semana kotuk rezulta sidadaun nain rua mate, iha hera no bekora.

Enquantu, tranzitu munisipiu Dili sei sensibiliza sinais tranzitu ba komunidade ho motorista sira iha kapital Dili, hodi utiliza passadeira ho diak, nune’e evita asidente fatal.

Tamba, durante ne’e, komunidade barak iha kapital Dili, seidauk kumpriende konaba sinais tranzitu sira,  hanesan zebra cross no semáforo.

(Juvenal/Siso)

Show More

Related Articles

Back to top button
error: !