Dili – Sekretario estadu komunikasaun sosial husu organizasaun FONGTIL atu konsensialija sidadaun hodi partisipa iha eleisaun presidensial.
Pedidu ne’e, hato’o husi, sekretário estado komunikasaun social, Mericio Akara, durante díalogu kona ba papel sosiedade civil atu garante publikasaun informasaun ne’ebe los no kredivel ba públiku, iha tersa-feira ne’e.
Mericio Akara dezafia reprezentante organizasaun naun govenamental nebe hamahan a’an iha fongtil atu tulun governo konsensializa eleitores atu partisipa ativa iha eleisaun presidensial.
Maibe diretur interino FONGTIL, Helio Dias Da Silva konfirma, FONGTIL iha ona koordenasaun diak ho STAE no CNE atu sai observador no halo monitorizasaun ba eleisaun presidensial.
Diretur ezekutivo servisu apoiu sosiedade civil auditóriu social – SASCAS, Filipe Da Costa hateten, papel SASCAS atu apoiu sosiedade civil hodi hala’o sira nia atividades, bazeia ba sira nia proposta no planu atividade.
Dadaun ne’e, rede membru FONGTIL hamutuk atus rua lima nulu kompostu husi ong nasional no internasional.
(Domingos/Siso)
