Magazine RádiuNotisiasTetum

Ramos Horta : Tratadu Neutralidade Bele Rezolve Konflitu Entre Russia No Ukurania

Dili – Ramos Horta afirma, tratadu neutralidade bele rezolve konflitu entre russia no ukurania.

Premiadu nobel da paz, José Ramos Horta argumenta, aranju ba tratadu neutralidade mak dalan ideal ba solusaun konflitu entre russia no ukurania.

Pozisaun ne’e, aprezenta durante enkontru vitual ho líder mundial husi amérika no Europa, hodi ko’alia kona ba rezolusaun konflitu entre governu Kiev no Moskovo no admite katak, konflitu ne’e hanesan falla husi líder mundial.

Ramos horta, hanesan ex prezidente painel altu nivel  ba operasaun husi Onu, halo ona enkontru lubuk ida ho líder sira husi Russia no Ukrania, hodi koalia kona ba operasaun paz husi Onu.

Tuir Ramos Horta, konflitu entre nasaun rua sei afeta estabilidade polítika no ekonómika mundial, relasiona ho dezempeñu Russia, hanesan fornesedor ba gaz no petróleu ba nasaun sira iha Europa.

Invazaun Russia ba Ukurania ne’eb’e hahu iha semana kotuk, hamate ona ukuranianu besik atus rua, halo estragus ba infrastruturas no prejudika estabilidade ekonómika.

Nasaun sira hanesan estadus unidus amérika, inglaterra, alemanha, Japaun no seluk tan fó ona sansaun ekonómika ba Russia no entidade sívil no militar ne’ebé mak iha relasaun ho invazaun iha ukrania.

(Julio/Anis/Siso)

 

Show More

Related Articles

Leave a Reply

Your email address will not be published.

Back to top button