Magazine RádiuNotisiasTetum

Prezidente CNE : Timoroan Iha Australia No Indonézia Sei La Vota

RTTL,ep : Prezidente Komisaun Nasionál Eleisaun (CNE sigla portugés), Jose Belo, konfirma, laiha dalan ba estadu Timor-Leste atu estabelese sentru votasaun iha repúblika Indonesia no Australia hodi fasilita timoroan atu partisipa eleisaun prezidensiál iha nasaun rua refere.

 “Maske estudante timoroan iha indonézia barak maibé, iha indonézia aplika mono warga Negara (sidadaun ida) tanba ne’e labele realiza eleisaun iha indonézia” dehan Prezidente Komisaun Nasionál Eleisaun, Jose Belo, segunda-feira, 2102. 

Prezidente CNE haktuir, oras ne’e, diplomata Timor-Leste ho indonézia sei halo diskusaun hodi fasilita timoroan sira sei partisipa votasaun iha indonézia iha futuru.

“Polítiku no diplomata timoroan sei diskute, tinan ida ne’e timoroan seidauk bele partisipa votasaun maibé, sei partisipa iha tempu seluk” José Belo garante.

Sorin seluk, timoroan iha Austrália sei la partisipa iha eleisaun prezidensiál tanba STAE ho CNE la halo resenseamentu eleitorál tanba pandemia corona virus iha Australia.

“Iha Austrália, ekipa tékniku labele halo resenseamentu eleitorál tanba regra internal iha Austrália (regra covid-19) la fó biban ba ekipa tékniku atu halo resenseamentu eleitorál” prezidente CNE klarifika.

Entretantu, sidadaun timoroan iha diaspora ne’ebé atu partisipa iha eleisaun prezidensiál mak hanesan Portugál, Korea-Súl no Inglaterra.

Reportajen : Manuel Gusmão (210222)

Show More

Related Articles

Leave a Reply

Your email address will not be published.

Back to top button