Magazine RádiuNotisiasTetum

PPN Prontu Fo Pose Ba PR Foun

Prezidenti parlamentu nasional Anicetu Guterres prontu fó pose bainhira Jose Ramos Horta eleitu ba xefe estado.

Pozisaun ne’e, Anicetu Guterres hato’o, hafoin fila husi asembleia uniaun inter-parlamentar iha Bali Indonesia sexta feira foin lalais.

Presidenti Anicetu Guterres Lopes informa, bazeia ba konstituisaun RDTL, nia parte prontu atu fo pose ba presidenti republika nebe sei eleitu, maibe dadaun sei iha prosesu apuramentu nasional, seidauk to’o faze  final.

Iha parte seluk, lider orgaun lejislador ne’e seidauk pronunsia nia pozisaun kona ba disolve parlamentu nasional bainhira Jose Ramos Horta eleitu hanesan xefe estado.

Lider maxímu segundo orgaun soberano ne’e husu ba povo Timor Leste atu mantein nafatin paz no estabilidade hodi akompaina prosesu apuramentu nasional bainhira tribunal rekursu pronunsia rejultado ikus.

Antes ne’e, iha kampaina eleitoral kandidatu Jose Ramos Horta deklara, bainhira eleitu ba presidenti republika ajenda dahuluk sei disolve parlamentu nasional hodi forma governu foun nebe lidera husi partido CNRT.

(Alau/Siso)

Show More

Related Articles

Leave a Reply

Your email address will not be published.

Back to top button