Magazine RádiuNotisiasTetum

Posibilidade Sei Akontese Udan Bo’ot Iha Teritoriu Timor Leste

Dili – Protesaun sivil alerta, posibilidade sei akontese udan bo’ot iha teritoriu Timor Leste.

Sekretário estadu protesaun sivil Joaquim José Gusmão husu, sidadaun ne’ebé hela iha fatin risku ba dezastre tenke atensaun, tanba tuir previzaun meteorologia sei akontese udan no anin iha Timor Leste.

Governante ne’e fundamenta, hahú loron 22 to’o 27 fulan fevereiru tinan ne’e, akontese udan moderadu ba forte iha munisípiu Aileu, Baucau, Bobonaro, Liquiça, Lautem, Manatuto, Manufahi no Díli.

Governante ne’e, husu ba sidadaun sira ne’ebe hela iha fatin risku hanesan foho lolon, mota ninin no tasi ibun, wainhira akontese udan anin  no laloran bo’ot tenke evakua lalais ba fatin ne’ebé seguru.

(Juvenal/Siso)

 

Show More

Related Articles

Leave a Reply

Your email address will not be published.

Back to top button