Magazine RádiuNotisiasTetum

Polísia Sei Kaer Labarik Ne’ebé Partisipa Iha Kampaña Elpres

RTTL,ep : Polísia Nasionál Timór-Leste sei atua (kaer) labarik ne’ebé partisipa iha kampaña eleitorál tanba lei eleitorál bandu labarik sira partisipa iha kampaña polítika.

Komandante PNTL munisipiu Dili, Superientendente Xefe, Henrique da Costa, argumenta, komandu sei halo atuasaun ba labarik sira ne’ebe envolve iha kampana.

“Sei atu ho sériu, atu nune’e ema labele uza tempu kampaña hodi viola labarik nia direitu” Henrique da Costa, promete.

Sorin seluk, Sekretária Komisaun Nasionál Eleisaun, Komisária, Maria Odete Belo, hateten, lei bandu partidu polítiku “atu utiliza labarik sira iha aktividade kampaña”.

Prezidente Institutu Nasionál Defeza Direitu Crianças, Dinorah Granadeiro, hateten, institutu sei koordena ho Comissão Nacional das Eleições-CNE no polísia hodi “halo kontrolu másimu labarik sira iha lokál kampaiña”.

Institutu Nasionál Defeza Direitu Crianças ho rede Advokásia ba labarik husu ba inan aman sira atu labele utiliza labarik sira fa’an sasán iha tempu kampaña.

Reportajen : Domingos Trindade (240222)

Show More

Related Articles

Back to top button
error: !