Dili – Servisu investigasaun kriminal nasional, kaptura suspeitu ho inisial ISR tanba uza naran veteranus hodi halo kobransa ilegal.
Porta voz PNTL, superintendente xefe, Armando Monteiro justifika, suspeito kaptura tanba deskonfia uza saudozu Nino Konis Santana, Vicente Reis no Nicolau Lobato hodi hetan lukru ba nia aan rasik.
Vitíma Antonio Quefin konta, nia parte kontribui osan rihun haat resin ba suspeitu tanba lori saudozu sira nia naran.
Vítima Jose Lemos Soares, ezize autoridade seguransa atu kriminaliza suspeitu sira nia hahalok.
Entretantu, suspeitu uza kobransa ilegal hodi sosa uma ida iha área bebonuk hodi hela ho nia familia.
Tanba ne’e, PNTL sei rekomenda ba ministeriu publiku hodi hein prosesu investigasaun.
(Juvenal/Siso)
