Magazine RádiuNotisiasTetum

PNTL Kaptura Ona Suspeito Nain 7 Ne’ebe Iha Indisius Envolve Kazu Konfrontu Iha Baucau

Baucau – Komando PNTL Baucau kaptura ona suspeito nain hitu, ne’ebe iha indisius envolve kazu konfrontu iha munisipiu Baucau.

Komandante policia municipio Baucau, superintendente, Antonio Maria Desa hateten, durante prosesu investigasaun, iha kuartel geral PNTL Baucau, suspeito ho inisial TMS,RPG,BDS,AF no JDB konfirma nia envolvimentu ba kazu tuda malu.

Polisia investigador liberta autor nain hitu fila ba nia rezidensia hodi hein prosesu investigasaun iha ministeriu públiku.

Tuir planu, tersa feira ohin,  PNTL BAUCAU sei apresenta notisia konaba krime, ba ministeriu publiku hodi kontinua prosesu ba tribunal.

Entretantu, komandante PNTL Baucau afirma, situasaun geral iha municipio Baucau kontroladu no PNTL sei kontinua reforsa seguransa ba kampaña kandidatu presidente nain 16, hodi hato sira nia programa politika ba eleitores sira.

Rekorda katak, apoiante balun husi kandidatu prezidente republika Francisco Guterres Lu-Olo no Armanda Berta, hamosu konfrontu hodi rezulta komunidade nia uma balun hetan estragus.

(Mario Pedro)

Show More

Related Articles

Leave a Reply

Your email address will not be published.

Back to top button