Magazine RádiuNotisiasTetum

PN Propoin Ba Lider Nasional Sira Atu Tur Hamutuk Hodi Hadia Dezemvolvimentu Timor Leste

Dili – Membro parlamentu nasional propoin ba lider nasional sira atu tur hamutuk hodi hadia dezemvolvimentu Timor Leste ba oin ho di’ak.

Vice xefe bankada FRETILIN Antoninho Bianco informa, eleisaun presidensial iha ona rezultado, tamba ne’e lider sira presija buka malu atu kria unidade di’ak, hodi servisu hamutuk ba nasaun nia diak.

Bianco afirma, lider nasional sira iha koiñesimentu diak ba rejolve problema konflitu iha nasaun seluk, tamba ne’e presija mos unidade diak hodi rejolve problema rai laran.

Deputado bankada KHUNTO Antonio Verdial reforsa, maske lider sira iha partido ketak-ketak, maibe presija iha hanoin ne’ebe diak hodi responde ba povo nia nesesidade.

Deptuada Ijabel Ximenes luova maturidade sidadaun nian, tanba kria ona ambiente hakmatek iha periodo eleisaun presidensiais.

Prezidente eleito, Ramos Horta deklara ona, atu promove diálogo ho lider nasional sira.

(Alau/Siso)

Show More

Related Articles

Leave a Reply

Your email address will not be published.

Back to top button