Magazine RádiuNotisiasTetum

PN Husu Professor Sira Labele Abandona Escola Hodi Ba Partisipa Iha Kampaña

Dili – Parlamentu Nasional  husu professores labele abandona sala de aula ba estudante sira hodi partisipa iha kampaña eleitoral presidente republika.

Segunda feira ne’e, liu husi plenaria, presidente komisaun G ba asunto edukasaun deputado Antonio Verdial hateten, professores sira presija aselera prosesu aprendijazen ba estudante sira hodi partisipa iha exame trismestre dahuluk.

 verdial observa katak, professor balu hahu abandona nia estudante hodi partisipa atividade politika ba presidente republika.

Iha parte seluk, presidente komisaun ba asunto edukasaun ne’e, husu ministerio edukasaun buka solusaun ba diretores edukasaun sira hodi asina sertifikado estudante finalista ne’ebe to’o agora seidauk asina.

Relasiona ho questaun ne’e portavos governu iha Parlamentu Nasional Mericio Juvinal Akara komfirma, nia parte sei informa ba ministerio relevante hodi buka solusaun.

(Alau/Emy)

Show More

Related Articles

Back to top button
error: !