Breaking NewsMagazine RádiuNasionál

Médiku Iha Klínika Bairo Pite Konfirma, Pasiente Ida Mate Tanba Corona

Dili : Director ezekutivu klínika Bairo Pite, Inacio dos Santos, konfirma, pasiente Floriano Ximenes (11) husi postu administrativu Laklo munisipiu Manatuto, “mate” iha klínika Bairo Pite tanba pozitivu corona virus.

Inacio dos Santos haktuir, pasiente antes ne’e halo tratamentu iha ospitál nasionál Guido Valadares no detekta pozitivu, iha momentu ne’ebá, Inacio konta, médiku atu transfere pasiente ba sala izolamentu Vera-Cruz, maibé família rejeita no lori fila pasiente ba uma.

“Ohin Dadeer alin mane ida tinan 11 husi munisipiu Manatuto mate. Hori bainrua rezultadu swab test iha ospitál nasionál deteta pozitivu, entaun médiku sira atu lori ba sentru izolamentu Vera- Cruz maibé família rejeita atu lori ba foho maibé la konsege lori ba no halo fali tratamentu iha klínika Bairo Pite” Inacio dos Santos konta.

Matebian nia aman, Manuel Ximenes Soares, justifikamatebian moras tanba ahi han nia isin lolon tanba ne’e família lori pasiente ba hala’o tratamentu iha ospitál nasionál maibé médiku sira   deteta katak pasiente infetadu ba covid-19.

“Ami atu lori fali ba foho maibé família balun dehan ha’u labele lori fila ba uma entaun ami halo fali tratamentu iha klínika, ha’u nia oan mate ona” dehan nia iha klínika Bairo Pite Dili, 240821.

Tuir planu, matebian ne’e sei lori ba Manauto hodi halo serimónia funeral.

Reportajen : Cipriano Martins (240821)

Show More

Related Articles

Leave a Reply

Your email address will not be published.

Back to top button