Dili – Komandu jeral PNTL hahú diskute planu kolokasaun efektivos ba eventu komemorasaun tinan 20 independensia no investidura prezidente repúblika foun iha tasi tolu.
Komandante jeral PNTL komisariu Faustino Da Costa konfirma, PNTL seidauk simu lista fiksu bainaka ne’ebe partisipa seremonia investidura prezidente republika no komemorasaun tinan rua nulu independensia.
Komandu jeral PNTL deklara nia prontidaun hodi asegura bainaka sira durante eventu iha tasi tolu.
Vice ministru interior, Antonio Armindo hateten, governu fo apoiu masimu ba PNTL hodi asegura seremonia investidura presidente republika foun ho komemorasaun loron restaurasaun independensia ba dala 20.
Tuir planu, komandu jeral PNTL sei aluga tan kareta 40 hodi asegura seremonia iha tasi tolu.
(Juvenal/Siso)
