Dili – Prezidente eleitu Jose Ramos Horta nia omologu husi nasaun seluk komfirmadu partisipa seremonia investidura.
Prezidente eleitu Jose Ramos Horta komfirma, nia omologu ne’ebe nia konvida posibilidade sei partisipa iha seremonia investidura ne’ebe sei realiza iha loron sanulu resin sia oras zero-zero iha tasi tolu.
Tanba ne’e, Ramos Horta garante seremonia investidura ne’e sei lao ho susesu, tanba konta ho kontribuisaun orgaun soberania sira nian.
Ramos Horta rekoiñese prezidente parlamentu nasional Aniceto Guterres mak sei prezide seremonia investidura ba nia hanesan prezidente republika ba tinan lima.
Omologu prezidente eleitu Jose Ramos Horta nian ne’ebe atu partisipa iha seremonia investidura, sei mai husi nasaun America, Japaun, Abudaby Dubai, Korea Sul, Xina, Portugal no seluk tan.
(Manuel/Siso)
