Magazine RádiuNotisiasTetum

Governu Submete Ona Proposta Orsamentu Jerál Estadu Ratifikativu 2022

Dili – Governu submete ona proposta orsamentu jerál estadu ratifikativu 2022, biliaun ida pontu atus ida resin hodi financia medida komplementares.

Orsamentu ratifikativu ne’e, entrega kuarta-feira ne’e husi ministru financas Rui Gomez ba presidente parlamentu nasional, Aniceto Guterres, ho karakter urjénsia.

Proposta orsamentu ratifikativu sei uza hodi finansia medidas komplementáres hanesan, kriasaun fundu veteran, atribuisaun pagamentu decimo terceiro dolares atus rua, kada família maibé ezeptu funsionarios publiku.

Milaun sia nulu virgula lima, alokadu ba konstroi uma kbit laek iha teriotorio laran tomak, alokadu ba, bolsa estudu ba mellór graduadu estudante ensinu báziku no sekundáriu, programa mão de obra ba postu administrativu sira, revitaliza kafé no subsídiu ba kafé laku-teen.

Pagamentu ba diferensa remunerasaun PNTL nian ho rejime salariál foun, ba membru PNTL rihun hat atus sia, harii sede arte marsiál, programa eskola iha uma no internet gratuita iha eskola sira.

Subsídiu akomodasaun ba PNTL no F-FDTL, estabelesimentu sekretaria ba asuntu traballadór esteriór no komunidade timoroan iha diáspora, empregu ba mellór alunu universitáriu sira.

Medidas ne’ebé governu kria,  atu muda estrutura orsamentu pur programa, ho intensaun atu redus impaktu ekonómiku ba timor oan sira kauza husi situasaun ekonómiku internasionál no aumentu substansiál taxa inflasaun ne’ebé sa’e ba beibeik.

(Domingos/Siso)

Show More

Related Articles

Leave a Reply

Your email address will not be published.

Back to top button