Magazine RádiuNotisiasTetum

Governu Nomeia João Amaral Hodi Okupa Kargu Presidente Konsellu Fiskal Empreza Públika Bee

Dili – Governu nomeia João Amaral hodi okupa kargu presidente konsellu fiskal empreza públika bee Timor Leste, enquanto Regina De Jesus no Acacio Pinto hanesan vogal.

Proposta ne’e, aprezenta husi ministru obras publika, Abel Pires no ministru financas Rui Gomez ne’ebe aprovasaun iha reuniaun konsellu ministru kuarta-feira ne’e.

Portavoz governu Fidelis Leite Magalhães esplika, ho estrutura ne’e atu garante kumprimentu husi norma legal, norma estatutária no norma regulamenta sira ne’ebe aplikavel ba empreza no fiskaliza ninia jestaun finanseira ho patrimonial.

Alende ne’e, konsellu ministru aprova mos pakote lejislativu ba area ambiental, ne’ebe kompostu husi projetu dekreto lei hat kona ba kria autoridade nacional lisenciamentu ambiental ip, ba nia estrutura sira.

Iha parte seluk, konsellu ministru aprova mos projetu dekreto lei númeru lima barra 2011 refere ba licensiamentu ambientál.

Projeto alterasun dahuluk ba dekreto lei numeru 15 barra 2019 kona ba organika husi sekretaria estadu ambiente, atu halo ninia kompatabilidade ho autonomia teknika, adminstrativa, finaseira no patrimonial ne’ebe instituto públiku sira iha.

(Domingos/Siso)

Show More

Related Articles

Leave a Reply

Your email address will not be published.

Back to top button