Dili – Prezidente comisaun nasional eleisaun Jose Belo deklara, laiha dalan estabelese sentru votasaun iha Repúblika Indonesia.
Jose Belo argumenta, maske estudante timor oan iha Indonesia barak, maibe Indonesia opta sidadaun ida, tanba ne’e laiha dalan atu estabelese sentru votasaun iha Indonesia.
Jose Belo haktuir, politiku sira kontinua diskute solusaun hodi fasilita timoroan iha Indonesia atu partisipa eleisaun prezidensial.
Alende ne’e, sidadaun timor sira iha Australia tinan ne’e sei la partisipa iha eleisaun prezidensial, tanba STAE ho CNE la halo resensiamentu eleitoral.
Entretantu, sidadaun timor oan iha diaspora ne’ebe atu partisipa iha eleisaun prezidensial mak hanesan Portugal, Korea Sul no Inglatera.
(Manuel/Siso)
