Dili – Bankada plataforma iha parlamentu nasional rejeita halo dialogo ho presidente eleitu kona ba repozisaun ordem konstitusionais.
Vice xefe bankada PLP Francisco De Vas Conselhos afirma, parlamentu nasional iha lejitimidade hodi garante funsionamentu servisu orgaun lejislativo, tamba durante ne’e aprova ona lei barak no orsamentu geral estado nian.
Tamba ne’e, la presija halo dialogo ho xefe estado eleitu hodi hatur hikas ordem konstitusionais.
Deputado PLP ne’e justifika, sistema semi presidensial iha Timor Leste, define orgaun soberano ida-idak atu halo nia kna’ar rasik.
Iha parte seluk, actual vice presidente partido PLP ne’e husu ba xefe estado eleitu atu labele hasai lia fuan parlamentu nasional ilegal, tamba periodo kampaña eleitoral remata ona, xefe estado foun presija prepara an hodi halo servisu tuir konstituisaun.
Foin lalais ne’e, xefe estado eleitu Jose Ramos Horta deklara, nia parte sei halo dialogo ho bankadas parlamentares sira hodi garante estabilidade governativa ba governu foun.
Alau/Siso
