Dili – Akademista Universidade Nasional Timor Lorosa’e husu ba kandidatu Prezidente Republika atu ba servi la’os buka servisu.
Dekanu fakuldade siensia sosiais UNTL, Camilo Ximenes argumenta, papel Prezidente Republika atu garante unidade nasional no garante soberania povu no nasaun.
Tanba ne’e, kandidatu ne’ebe hetan fiar husi povu tenke servi povu ho diak no halo tuir promesa iha kampaña eleitoral.
Sorin seluk, kandidatu Prezidente Republika, Milena Pires deklara, uainhira povu fo fiar atu sai Prezidente Republika, prontu servi povu no nasaun.
Entretantu, kandidatura hamutuk sanulu resin neen maka admitidu hodi kompete iha eleisaun presidensiais period.
(Manuel/Siso)
